Явган аялал - Шинэ бичлэгүүд

Улаанбаатар орчимд хийж болох хөнгөхөөн явган аялалын зам

Tue, 22 Apr 2008 16:49:03 +0800

Амралтын өдрөөрөө гэр бүлээрээ эсвэл найз нөхдөөрөө хөнгөхөөн явган аялал хийхийг хүсэж байгаа бол энэ маршрут боломжийн санагдлаа. Та гэрээсээ өглөө 11 цагийн үед гараад Зайсангийн зүг хөдлөөрэй. Зайсангийн амаа өгсөж явсаар томоос том тоосгон хашаатай гэр баазад тулж очно.

Тэнд машинаа орхиод цаашаа явган алхана. Ерөнхийдөө уулын амаад өгсөх тул зам их хүнд биш, налуувтар, жим гарсан байгаа. Та өөрийн цаг заваас хамааран хир хол өгсөхөө өөрөө шийдэж болно. Хэрвээ цаг их, ядрах нь гайгүй гэж үзвэл амаадаа өгссөөр уулынхаа орой дээр гарсан ч болно. Ерөнхийдөө дунджаар бодоход дээш гараад бууж ирэхэд 2-3 цаг болно.

Энэ нь та гэр бүлийнхээ ямар ч насны гишүүнийг дагуулаад явахад боломжийн гэсэн үг юм. Хугацаа урт биш тул хөнгөхөн идэх зүйл, уух цэвэр ус аваад явахад хангалтай. Харин та уусан усныхаа савыг буцааж хогийн саванд хаяхаа мартваа.

Батболд ахын хошигнон хэлснээр манайхны хэлдэг аялал, амралт, зугаалга гэдэг үгнүүдийг дараах байдлаар ялгаж болно гэнэ шүү. Хэрвээ илүү дутуу зүйлгүй алхаад байвал аялал, харин байшин саванд ороод хэмтэж амраад ирвэл амралт, харин амралтанд дээр архи нэмчихвэл зугаалга болдог гэнэ.

Энэ маршрут бол гэр бүлийн, найз нөхдийн хүрээнд хийж болох аялалын маршрут юм. Хэрвээ та буцахдаа гэр бааз дээр түр саатан, хооллон оройг угтвал аялангаа амарсан хэрэг болох нь.

Амарцгаая, аялацгаас харин зугаалгаа багасгацгаая! ;)

Шарга морьт, Хандгайтын зүг 1 өдрийн явган аялал хийлээ

Tue, 13 Nov 2007 16:55:26 +0800

Ойрд жаахан ядраад байтал EngineerSoft-ийн Батболд ах нэг алхаад ирэх үү гэлээ, ажлаа бодохоор нэг өдөр хайран байдаг. Гэтэл хүн их ядрахаараа ядарснаа мэдэхгүй ажлын үр бүтээмж буурдаг түүний оронд нэг сайхан сэргээд авбал 7 хоногийн ажлаа 2 өдөрт хийчихдэг гэж ятгахаар нь нээрээ ч тийм санагдаад зөвшөөрсөн юм. Өнгөрсөн бүтэн сайн өдрийн 11 цагийн үед Шарга морьтын аманд машинаар хүргүүлээд 3-уулаа алхлаа.

Ойрд салхинд гараагүй эрүүл агаарт сайхан байна. Тэр хавьд миний бодож байснаас өндөр уул олонтой юм. Цэцээ гүн 2200 гаран метр байдаг бол тэр хавийн уулнууд ихэнх нь 2000-2100 метр юм. Тэгэхээр бас өндөр байгаа биз. Би ч хүйтэнд алхаж байгаагүй учраас туршлагатай явган аялагч Батболд ахад бүх юмаа даатгаад л цүнхэндээ ойр зууран жин дарах юм хийгээд үүрээд очсон.
[...]

Чингэс хаан сургуулийнхан Асралт хайрхан руу явган аялаад иржээ

Mon, 29 Oct 2007 21:44:23 +0800

Х.Ариунболд багшаар ахлуулсан “Чингэс хаан” дээд сургуулийн 13 хүний бүрэлдэхүүнтэй Явган Аялалын баг Хан хэнтийн ноён оргил Асралт хайрхан Уул руу аялаад иржээ. Тэд танин мэдэхүйн зорилгоор хийсэн энэхүү аялалынхаа тухай тэмдэглэл, аялалын зургуудыг http://asralt2007.blog.banjig.net блог руу боруулсан байна.

Та бүхэн дэлгэрэнгүйг энд дарж үзээрэй.

Н.Жамсансүрэн багшийн нэрэмжит явган аялал болжээ

Sat, 27 Oct 2007 15:11:45 +0800

Саяхан МУИС-ийн багш, доктор, профессор Н.Жамсансүрэн багшийн нэрэмжит аялал болж түүний шавь нар болох МУИС, МУИС-ийн Орхон аймаг дахь салбар сургууль, Орхон ИС, ХҮДС, Түгээмэл ДС, Их Монгол ДС зэрэг сургуулиудын 100 гаруй багш, оюутнууд оролцсон бөгөөд МУИС-ийн хичээлийн II байрнаас гараагаас эхэлж, Дамбадаржаа, Бэлх, Улиастайн голын эх, Дүгэр сан хийдийн чиглэлд явган аялсан байна.

Энэ аялалын дэлгэрэнгүй тэмдэглэл, зурагнуудыг та эндээс үзээрэй.

Энэхүү http://welcome2mongolia.blog.banjig.net/ блог нь аялал жуулчлал сонирхогч хүмүүст хэрэгтэй сонирхолтой мэдээллүүдтэй тул та заавал зочлоорой.

Банжиг.Нээтийнхэн Цэцээ гүн рүү аялсан тэмдэглэл

Tue, 11 Sep 2007 20:29:14 +0800

Хэд хоногийн өмнө Банжиг.Нээтийнхэн Төв аймаг - Цэцээ гүн - Төр хурах - Хонхор гэсэн маршрутаар аялаад ирсэн тэмдэглэлүүдийг Банжиг.Нээтийн албан ёсны блогоор дамжин үзээрэй. Аялалд явсан гишүүд тус бүрдээ тэмдэглэл бичсэн байгаа тул уншихад сонирхолтой байх болов уу.

Дашрамд хэлэхэд та өөрийн хаа нэг тийш явган аялсан тэмдэглэлийг бидэнд мэдэгдэн манай блогт оруулж болно.

Буяндэлгэрийн Хагийн Хар Нуур луу аялсан тэмдэглэл

Tue, 11 Sep 2007 20:15:46 +0800

Хагийн хар нуур луу аялах маршрут нь явган аялагчдийн хувьд үнэхээр сайхан маршрут байдаг. Энэхүү маршрутаар Буяндэлгэр маань ажлынхантайгаа наадмын үеэр 7 хоног аялаад ирсэн аялалын тэмдэглэлийг та түүнийг блогоос уншаарай. Түүний тэмдэглэлээс та үнэхээр бодитой мэдрэмжийг мэдрэх болно.

Блогийн тухай

Wed, 29 Aug 2007 11:49:01 +0800

Энэхүү блогийг явган аялагчдад зориулан нээж байна. Миний бие өөрөө явган аялахын сайхныг мэдэрч эхлээд удаагүй байгаа хэдий ч одоо хуримтлуулсан багаахан туршлага дээрээ нэмэлт материал судалгааг хавсарган явган аялалтай холбоотой зөвлөмжүүд, явган аялалын маршрутууд болон явган аялсан тухай тэмдэглэлүүдийг нэгтгэн блогоороо хүргэх болно.

Явган аялсанаар та байгаль дэлхийгээ хайрлах сэтгэлтэй болох, эрүүл чийрэг болохоос гадна сэтгэл санааны хувьд шантрашгүй, эрч хүчээр дүүрэн нэгэн болно.